Los-Anjeles-2028 tayyorgarligi oldidan eshkak eshish federaciya ahvoli o'rganildi

Xususan, Los-Anjeles-2028 yozgi Olimpiya o'yinlari dasturidan 30 dan ortiq yo'nalish o'rin olishi kutilmoqda. Bugun MOQ rahbariyati O'zbekiston Rowing&Canoe federaciya bilan tayyorgarlik rejalarini muhokama qildi.

Dastavval, Tuyabo'g'iz suv omboridagi suv sporti turlari bo'yicha Respublika oliy sport mahorati maktabining eshkak eshish bazasi, sportchilar yashaydigan yotoqxona, ular shug'ullanadigan suv havzasi va terma jamoaning moddiy-texnik bazasi ko'zdan kechirildi. Qayd etish joiz, asosiy baza yaqinida zamonaviy sharoitlarga ega yana bir kompleks tashkil etilyapti. O'rganish ishlarida u erdagi jarayon ham etibordan chetda qolmadi.

Federaciya mutasaddilari taqdimot davomida Aichi-Nagoya-2026 yozgi Osiyo hamda Los-Anjeles-2028 yozgi Olimpiya o'yinlariga tayyorgarlik bo'yicha taqdimotlarini namoyish etishdi. Unda Olimpiya dasturidagi ekipajlarni shakllantirishga ko'proq ahamiyat berilishi, barcha masofalarda raqobatbardosh tarkiblarni tayyorlash haqida so'z bordi. 

Yakunda Prezident qarori loyihasiga sportchilarni zamonaviy inventarlar bilan taminlash borasida takliflar belgilab olindi.