Luis Enrike “CHelsi” bosh murabbiyga aylanadimi?

Bunga sabab sifatida jamoa kelajagi borasida murabbiy va rahbariyatining turlicha qarashlari ko'rsatilmoqda.

Ayniqsa, “CHelsi” rahbarlariga murabbiyning jamoa hujumchisi Diego Kosta bilan xayrlashgani yoqmadi. “CHelsi” xo'jayini Roman Abramovich Ispaniya terma jamoasi azosini jamoada ko'rmoqchi, biroq Konte uning talablari shubha ostida qoladigan bo'lsa, yoki umuman bajarilmaydigan holatda jamoa bilan ishlamoqchi emas.

SHu tariqa London klubi allaqachon italiyalik mutaxassisning o'rniga murabbiy izlashni boshlab yuborgan. Asosiy nomzod sifatida  esa “Barselona”ning sobiq ustozi Luis Enrike ko'rsatilmoqda. Bu haqda Sport gazetasi The “Independent”ga tayanib xabar bermoqda.

Agar “aristokratlar” rahbariyati va jamoa murabbiyining fikrlari bir joydan chiqmaydigan bo'lsa, Abramovich  Luis Enrikeni Kontening o'rniga eng munosib nomzod sifatida ko'rmoqda.

Luis Enrike “Barselona”ni 2014-2017 yillar mobaynida, uch mavsum boshqarib, 9 ta sovrinni qo'lga kiritgan. Ular orasida 2 marta Ispaniya chempionligi va 1 marta ECHL g'olibligi. Qolaversa, “Barselona” Luis Enrike qo'l ostida “oltin xet-trik”ka ham erishgan.