Luxembourg Open. Elena Ostapenko 1/2 finalda!

Sayyoramizning 63-raketkasi Elena Ostapenko musobaqaning yarim finaliga yo'l oldi. Latviyalik tennis malikasi 1 soatu 3 daqiqa davom etgan chorak final uchrashuvida reytingning 210-pog'onasidan joy olgan germaniyalik Antoniya Lottnerni ortiqcha qiyinchiliksiz mag'lub etdi - 6/1, 6/1.

Elena bahs davomida 4 ta, Antoniya esa bitta eys zarbasini amalga oshirdi. Bu tennischilarning o'zaro o'tkazgan ilk uchrashuvi edi. Bugun Ostapenko final chiptasi uchun rossiyalik Anna Blinkovaga qarshi kortga chiqadi.