Magnus Karlsen Nepomnyashiyga qo'shchempionlik taklif qilganiga izoh berdi

Norvegiyalik grossmeyster finalda rossiyalik Yan Nepomnyashiy bilan to'qnash kelgandi. Dastlab Magnus ikki partiyada g'alabaga erishdi. Keyin Yan ikki g'alaba bilan muvozanatni tiklab qo'ydi. Qo'shimcha uchta partiyada durang natija qayd etilgach, Karlsen raqibiga qo'shchempionlikni taklif qildi. Yan esa ortiqcha o'ylab ham o'tirmay, bunga rozi bo'ldi. Natijada tarixda ilk bor bir yo'nalishda ikki jahon chempioni yuzaga keldi.

"Ikkalamiz ham asabiylashayotganimiz bois, men shunday taklif bilan chiqdim. O'sha paytda bu qarorga kelish ayni muddao ekanini tushunib etdim. Sababi, keyingi partiyada men oq donalarda o'ynardim. Bu esa menga qo'shimcha ustunlik berardi. SHundoq ham biz uzoq match o'tkazdik. Bunday o'yinda ikkinchi o'rinni egallagan shaxmatchiga qiyin bo'lardi. Bu holatda chempionlikni bo'lishib olish adolatli qaror ekanini tushunib etdim. Hammaga ham birdek yoqavermaysiz. Qarorimga qarshi chiqqanlar etarli bo'ldi", — dedi Karlsen.