Magnus Karlsen: "O'zbekistonni dunyoga o'rnak qilib ko'rsatyapman"

Kecha Jahon birinchiligi oldidan matbuot anjumani tashkil etildi.

Unda dunyo reytingida birinchi raqamli shaxmatchi, norvegiyalik Magnus Karlsen ham ishtirok etdi va jurnalistlarning savollariga javob qaytardi.

"O'zbek shaxmatining kelajagini qanday baholayman? Qaysi mamlakat shaxmatni rivojlantirmoqchi bo'lsa, O'zbekistonni o'rnak qilib ko'rsatyapman. O'tgan yili Qozog'istonda o'tgan jahon chempionatidan oldin ham mendan qozoq shaxmati kelajagini qanday ko'rasiz, deya savol berishgandi. O'shanda ularga shunday javob bergandim: O'zbekistonga boqing, o'shanda sizning shaxmatdagi kelajagingiz ham ularnikidek bo'ladi", - dedi Magnus.