Magnus Karlsen shu oy Samarqandga keladi

Kongress-markaz mezbonlik qiladigan yilning eng asosiy shaxmat musobaqasida qatnashish istagida bo'lgan shaxmatchilar, FIDE tizimidagi rahbarlar, mulozimlar, hakamlarni ro'yxatdan o'tkazish 11 dekabrgacha uzaytirildi. Besh kunlik jahon chempionati dunyoning eng kuchli grossmeysterlarini qo'hna va hamisha navqiron Samarqand shahrida jamlaydi. 

Etiborga molik jihati shundaki, Samarqandga blic va rapid bo'yicha amaldagi jahon chempioni, norvegiyalik afsonaviy shaxmatchi Magnus Karlsen ham keladi. SHuningdek, Gukesh Dommaradju (Hindiston), Vinsent Keymer (Germaniya), SHaxriyar Mamediyarov (Ozarbayjon), Yan-Kshishtof Duda (Polsha), YU Yangi (Xitoy), Levon Aronyan (AQSH), Maksim Vashe-Lagrav (Franciya), Daniil Dubov (Rossiya) singari sobiq jahon chempionlari ham O'zbekistonga kelishlarini tasdiqlashgan. 

Tabiiyki, jahon yulduzlari qatorida rapid yo'nalishida 2021 yilgi jahon chempioni Nodirbek Abdusattorov Samarqanddagi nufuzli musobaqada yurtimiz sharafini himoya qiladi. 

Ayollar zrtasidagi jahon chempionatida uch nafar amaldagi jahon chempionlari Samarqandga keladi: Czyuy Venczyun (Xitoy, klassik shaxmatda jahon chempioni), Tan CHjuni (Xitoy, rapid yo'nalishida jahon chempioni) va Bibisara Asaubaeva (Qozog'iston, blic yo'nalishida jahon chempioni). 

SHuningdek, sobiq jahon chempionlaridan Aleksandra Goryachkina (Rossiya), Katerina Lagno (Rossiya), Xampi Koneru (Hindiston), Xarika Dronavalli (Hindiston), Aleksandra Kostenyuk (SHveycariya) va boshqa ko'plab taniqli ayol grossmeysterlar yurtimiz mezbonligida o'tadigan jahon chempionatida dona surishadi.  

Tadbirlar ro'yxati:

25 dekabr — Jahon chempionatining ochilish marosimi

26-28 dekabr — Rapid bo'yicha turnir

29-30 dekabrya — Blic bo'yicha turnir hamda yopilish marosimi

Malumot uchun, rapid va blic bo'yicha FIDE jahon chempionati 2012 yildan beri muntazam o'tkazib kelinadi. Erkaklar o'rtasida blic va rapid yo'nalishida Magnus Karlsen amaldagi jahon chempioni hisoblanadi. Ayollarda esa Tan CHjuni (Xitoy) rapid, Bibisara Asaubaeva (Qozog'iston) esa blic yo'nalishida jahon chempioni bo'lib turibdi. 

Samarqand shahrida o'tkaziladigan Jahon chempionatining umumiy mukofot jamg'armasi 1 million AQSH dollarini tashkil etadi. Umumiy summadan 700 000 dollari erkaklar, 300 000 dollari esa ayollar o'rtasidagi musobaqa g'olib va sovrindorlari o'rtasida mukofot puli sifatida taqsimlanadi.