Magnus Karlsenni mag'lub etgan Nodirbek bugun kimga qarshi o'ynaydi?

Kecha "Masters" guruhida ishtirok etayotgan hamyurtimiz Nodirbek Abdusattorov 5-tur doirasida norvegiyalik Magnus Karlsenni mag'lubiyatga uchratdi va guruhda 4 ochko bilan peshqadamga aylanib oldi. 

U bugun 6-tur uchrashuvida hindistonlik Pragnanandaga qarshi dona suradi. Hamyurtimiz ushbu bahsda oq donalarda harakat qiladi. 

"CHellenjer" guruhida ishtirok etayotgan yana bir hamyurtimiz Javohir Sindarov esa 6-turni braziliyalik Luis Paulo Supiga qarshi o'tkazadi. Javohir 5 ta o'yindan so'ng 3,5 ochko jamg'argan va guruhda 2-o'rinni egallab turibdi. 

Bahslar Toshkent vaqti bilan soat 18:15 da boshlanadi.