Maksim SHackix shogirdlari seshanba kuni "Ayaks" bilan o'ynashadi

Ukraina klubi yoshlariga ayni paytda o'zbekistonlik sobiq hujumchi Maksim SHackix ustozlik qilmoqda. Hamyurtimiz mazkur bahs oldidan o'z fikrlarini bildirib o'tdi. 

- "Ayaks" bilan o'yinga qanday kayfiyatda etib kelayapsizlar?

- Murabbiylar shtabi, barcha futbolchilar, barchamiz finalda Barselonaga qarshi o'ynashimiz kerakligini aytmoqda. Ayaks bilan o'yinga kelsak vajohatliroq bo'lamiz, sababi bahs safarda bo'ladi. Dinamo-mashina o'z yo'lidagi barcha narsani surib tashlashi kerak, shunday bo'lishiga ishonaman. Ammo barchasi yigitlarga bog'liq: Agar ular bir jamoa, bir oila bo'la olishsa barchasi yaxshi bo'ladi, - deydi SHackix.

Eslatib o'tamiz, UEFA Yoshlar ligasi musobaqasi pley-off bahslari faqat bir o'yindan iborat bo'ladi. Agar "Dinamo Kiev" "Ayaks"ni mag'lub etsa chorak finalda "Monako" - "Real Madrid" juftligi g'olibiga qarshi o'ynaydi.