Mamlakatimizning eng kuchli atletlari aniqlandi

O'zbekiston Respublikasi Jismoniy tarbiya va sport davlat qo'mitasi hamda mamlakatimiz engil atletika federaciyasi tomonidan tashkil etilgan chempionatda ikki yuzdan ortiq atlet g'oliblik uchun bahs olib bordi.

CHempionatning disk uloqtirish bahsida Odil Komilov, Maksim Mutasov, Obid Urishev, Yahyo Turg'unov o'z yosh toifalarida birinchi o'rinni qo'lga kiritgan bo'lsa, xotin-qizlar bahsida Svetlana Proshkina, Jumagul Parpieva, Rigina Adashboeva, Valeriya Madaminova g'olib deb topildi.

Nayza uloqtirish bo'yicha Ivan Zaycev, Aleksandr Svechnikov, Umidjon Egamov shohsupaning eng yuqori pog'onasiga ko'tarildi. Anastasiya Svechnikova, Sanobar Erkinova hamda Zebo Kamoliddinova xotin-qizlar o'rtasida mamlakat chempioni bo'ldi.

Bosqon uloqtirish bo'yicha kattalar o'rtasida Jalolxon Tillavoldixo'jaev va Anastasiya Aslandu, yoshlar o'rtasida SHermuhammad Musulmonov va Asalxon Muxtorova, o'smirlar o'rtasida Umid Hasanov va Tatyana Normatovaga teng keladigani topilmadi.

Balandlikka va uzunlikka sakrash bo'yicha bahslarda Dmitriy Melsitov, Ivan Denisov, Nadiya Do'sanova, Oksana Molchanova g'alaba qozondi. Yadro uloqtirish bo'yicha Sergey Dementev va Sofiya Burhonova oltin medalga sazovor bo'ldi.