Manamada Osiyo Olimpiya kengashining gender tenglik mavzusiga bag'ishlangan seminari bo'lib o'tdi

Malum qilganimizdek, unda mamlakatimiz nomidan yurtimizda ayollar sportining faol targ'ibotchilari, xususan, o'zbek va jahon gimnastikasi afsonasi Oksana CHusovitina, O'zbekiston zamonaviy beshkurash federaciyasi bosh kotibi Kseniya Gulyamova, MOQ Xalqaro aloqalar departamenti bosh mutaxassisi Nargiza Xolmirzaeva ishtirok etishdi.

Ikki kun davomida o'tkazilgan seminarda Oksana CHusovitina ham so'z oldi. Gimnastika afsonasi hayoti va sport maydonida duch kelgan muammolari, ularni qanday engib o'tgani, jamiyatda o'z o'rnini topishida sportning ahamiyati haqida to'xtalib, uni tanlaganidan hech qachon afsuslanmasligi, aksincha bundan baxtiyor ekanini bildirdi. 

SHuningdek, barcha xotin-qizlarga o'zlarining salomatligi uchun sport bilan muntazam shug'ullanishni tavsiya qildi. Yakunda OOKning gender tenglik masalalari masuli SHeyxa Hayat bin Abdul Aziz Al Xalifa hamyurtimizga esdalik sovg'asini topshirdi.

Tadbirda nutq so'zlagan OOK prezidenti vazifasini bajaruvchi Raja Randhir Singx o'z murojaatida barcha Milliy Olimpiya qo'mitalari qitada ayollarning sportdagi harakatini rivojlantirish va uni yuksaltirishga qaratilgan say-harakatlarni qo'llab-quvvatlashini takidladi.

Uning qo'shimcha qilishicha, OOK nafaqat musobaqa maydonida, balki sport tashkilotlari, mamuriyat va boshqaruv o'rinlarida ham ayollarga o'z qobiliyatlarini ko'rsatish uchun mustahkam platforma yaratishga ko'maklashadi.

Seminar davomida hamyurtlarimiz SHeyxa Hayat bin Abdul Aziz Al Xalifa, shuningdek, bir qator xorijlik ayol mutasaddilar bilan uchrashuvlar o'tkazib, yurtimizda xotin-qizlar sporti rivojini yangi bosqichga olib chiqish kabi masalalar yuzasidan fikr almashishdi.

Bir so'z bilan aytganda, ushbu seminar bugungi kunda ayollar sport harakati oldida turgan asosiy masalalarni yoritishda muhim platforma bo'ldi.