"Manchester Yunayted" Sulsher uchun "Molde"ga 500 ming funt to'laydi

Bu pullar Norvegiya klubi Sulsherning MYUda qolishiga qarshilik qilmasligi uchun o'tkazib beriladi. "Molde" o'tgan yilning dekabr oyida mutaxassisni joriy mavsum oxirigacha "Qizil iblislar"ga qo'yib yuborgani uchun 500 ming funt olgan edi.

Kecha, 28 mart kuni Ule-Gunnar Sulsher "Manchester Yunayted" bilan 3 yilga mo'ljallangan to'laqonli shartnoma imzolagandi. MYU Sulsher qo'l ostida APLda o'tkazgan 13ta uchrashuvning 10tasida g'alabaga erishdi, 2 marta durang qayd etdi va bitta bahsda mag'lubiyatga uchradi.