Marin CHilich Toronto "Masters"dagi yurishini boshladi

Dunyoning 39-raketkasi bo'lib turgan Marin CHilich musobaqadagi ishtirokini g'alaba bilan boshladi. Xorvatiyalik 32 yoshli tajribali tennischi ilk davrada reytingda o'zidan 11 pog'ona pastda borayotgan ispaniyalik Albert Ramosni 6/2, 4/6, 6/3 hisoblarida mag'lubiyatga uchratdi.

Ikki soatu 15 daqiqa davom etgan uchrashuvda Marin 13, 33 yoshli Albert esa 4 ta eys zarbasini amalga oshirdi. Xorvatiyalik tennischi o'zaro uchrashuvlardagi hisobni o'z foydasiga 5:3 ko'rinishiga keltirdi. Endi CHilich National Bank Open turnirining ikkinchi davrasida norvegiyalik Kasper Ruudga qarshi kortga chiqadi.