Mario Balotelli "Breshia"da shug'ullanishni boshladi

Internetda 28 yoshli italiyalik futbolchining klub bilan birga shug'ullanayotgani aks etgan surat paydo bo'ldi. Futbolchining shartnomasi 1 iyulda yakuniga etgandan so'ng, Balotelli erkin agentga aylanadi.

Eslatib o'tamiz, Mario faoliyatini "Breshia"da yakunlashni orzu qilinishini tan olgan edi.

O'yinchi professional futbolchilik faoliyatiga qadar 5ta akademiyada shug'ullangan. Dastlab professional faoliyatini Italiyaning "Lumeccane" klubida boshlagan. SHundan so'ng, "Inter", "Manchester Siti", "Milan", "Liverpul", "Nicca"da to'p surgan. Uning oxirgi klubi "Olimpik Marsel" bo'lgan.

2010 yildan esa Italiya terma jamoasi sharafini himoya qilmoqda. Futbolchi joriy mavsum barcha turnirlarda 26ta o'yinda maydonga tushib, 8ta gol va 1ta assistga erishgan.