Markaziy Osiyo Esports Federaciyasi tashkil etildi

O'zbekiston Esports Federaciyasi tashabbusi bilan O'rta Osiyo mamlakatlari - Qozog'iston, Qirg'iziston, Tojikiston va Turkmaniston kibersport tashkilotlari rahbarlari ishtirokida birinchi videokonferenciya shaklidagi muloqot tashkil etildi.

Videokonferenciyaning dastlabki qismida mintaqada kibersportni rivojlantirish va ommalashtirish xususida fikr almashildi. Hamkorlikda qo'shma loyihalar tashkil etish, mintaqaviy musobaqalarni yo'lga qo'yish va boshqa bir qator muhim masalalar yuzasidan memorandum imzolandi.

Konferenciya davomida O'zbekiston Esports Federaciyasi Raisi Azizbek Pattaxovning Markaziy Osiyo Esports Federaciyasini tashkil etish bo'yicha taklifi ko'pchilik tomonidan maqullandi.

Tez orada ushbu jarayonning yuridik masalalari boshlab yuborilishi hamda, ushbu mintaqaviy tashkilotning bosh shtab-ofisi Toshkent shahrida bo'lishi rejalashtirilmoqda.

O'zbekiston Esports Federaciyasi tomonidan ilgari surilgan ushbu yangi loyiha orqali "Central Asia Esports Federation" IESF va AESF tashkilotlari qoshida tashkil etiladi va ularning oldiga qo'ygan maqsadlari yo'lida ko'makdosh sifatida faoliyat yuritadi.

Takidlash joizki, O'zbekiston Esports Federaciyasi 2016 yildan boshlab faoliyat yuritmoqda. Mamlakatimizda kibersportni rivojlantirish, xalqaro maydonlarda elektron sport bo'yicha munosib ishtirok etish yo'lida ko'plab loyihalar va vazifalarni muvaffaqiyatli amalga oshirib kelmoqda.

Kuni kecha federaciya International eSports Federation (IESF)ning to'la huquqli azoligiga qabul qilindi.

Endilikda IESF tomonidan amalga oshiriladigan kibersport sohasidagi barcha xalqaro turnirlar, anjuman, konferenciya va boshqa tadbirlarida O'zbekiston Esports Federaciyasi o'z ovoziga hamda, doimiy o'rniga ega bo'ladi.