10 avg 11:46
Yangiliklar

Tennis

Marreyning birinchi raketka maqomini boy berishi aniq bo'ldi

Yaqin bir yarim hafta ichida erkak tennischilarning dunyo reytingida birinchi raketka nomi o'zgaradi.

Ayni paytda ushbu reytingni boshqarib kelayotgan britaniyalik Endi Marreyning o'z o'rnini yaqin kunlarda bo'shatib berishi rasman tasdiqlandi. Bunga Endining jarohati sabab Cincinnati turnirida ishtirok eta olmasligi zamin yaratdi.

Uzog'i bilan 21 avgust kuni dunyo reytingi yangi qirolga ega bo'ladi. Yoki ispaniyalik Rafael Nadal yoxud shveycariyalik Rojer Federer Marreyning o'rnini egallashadi. Agar Nadal Monrealdagi turnirda kamida yarim finalga etib borsa, 14 avgust kuniyoq u yangi karvonboshiga aylanadi.