Mayami "Masters". Karlos Alkarazda kutilmagan mag'lubiyat

Kutilmaganda dunyoning uchinchi raketkasi Karlos Alkaraz 1/32 final bahsida ATP reytingida 55-pog'onada borayotgan belgiyalik David Goffinga imkoniyati boy berib qo'ydi - 7/5, 4/6, 3/6. Tennischilarning o'zaro uchrashuvida Goffin hisobda oldinga chiqib oldi - 2:1. 

Ikki soatu 20 daqiqa davom etgan bahsda Alkaraz 8, Goffin 3 ta eys zarbasini amalga oshirgan. Ikkala tennischi ham 2 tadan qo'shxatoga yo'l qo'ydi. Breyklar bo'yicha ustunlik belgiyalik tennischi tomonida bo'ldi - 4 ga 2. Endi u Miami Open turnirining uchinchi davrasida amerikalik Brendon Nakashimaga qarshi kortga chiqadi. Nakashima o'z o'rnida ispaniyalik Roberto Karbales-Baenani 6/4, 4/6, 6/3 hisobida taslim etdi.