Maykl CHendler Pimblett bilan jangdan keyin ilk bor fikr bildirdi

Bu jang UFC 314 turnirida bo'lib o'tgan va uchinchi raundda texnik nokaut bilan yakunlangandi.

"Mag'lubiyatdan keyin olg'a intilish uchun hech qachon mos fursat bo'lmaydi. Reja ham, qancha vaqt kerakligi haqida tushuncha ham yo'q. Sen shunchaki harakat qilishni boshlaysan. Men hech qachon jangdan voz kechmaganman. Qachonki yuragim urayotgan bo'lsa va qo'llarim kurashishga qodir bo'lsa, men allaqachon g'olibman. 

Mag'lubiyatdan keyingi alam va noumidlikni so'z bilan ifoda etib bo'lmaydi... Ularni qabul qilasan va hayotingda qolgan narsalarni qayta qurishga kirishasan. Eng yaxshisi — olg'a intilish va urinishlaringdan faxrlanish. Bir narsani aniq bilaman: men eng yaxshi tayyorgarlikni ko'rganman va oktagondagi xatolarim uchun faqat o'zi javobgar edim. Jamoam meni tayyorladi. UFC menga bu imkoniyatni berdi. Men oxirigacha tayyor holda jangga chiqdim. Engildim, lekin sinmadim. Oldinda yorqin kelajak bor. CHo'qqida ko'rishamiz!”, — deb yozdi CHendler o'zining ijtimoiy tarmoqdagi sahifasida.