​MDH shifokorlari yashil maydonda kuch sinashadi

Milliy matbuot markazida O'zbekiston Respublikasi Sog'liqni saqlash vazirligi hamda mamlakatimiz Sog'liqni saqlash xodimlari kasaba uyushmasi Respublika kengashi tomonidan tashkil etilayotgan musobaqa oldidan matbuot anjumani o'tkazildi.

Unda Sog'liqni saqlash vaziri o'rinbosari Bahodir Nizomov, O'zbekiston sog'liqni saqlash xodimlari kasaba uyushmasi Respublika kengashi raisi Farhod Xanafaev, mamlakatimiz shifokorlar terma jamoasi bosh murabbiyi, O'zbekistonda xizmat ko'rsatgan yoshlar murabbiyi Ahmadjon Musaev va jamoa azolari hamda OAV xodimlari qatnashdi.

Musobaqa reglamentiga asosan o'yinlarda 25 yoshdan katta bo'lgan, mutaxassisligi va fuqaroligidan qatiy nazar, shifokorlik diplomiga ega bo'lgan xodimlar ishtirok etadi. Xalqaro turnirda O'zbekiston terma jamoasidan tashqari Rossiya, Qozog'iston, Qirg'iziston, Tojikiston, Belarus, Ukraina terma jamoalari o'zaro bahslashadi.

Rossiya jamoasi 40 va undan katta yoshdagi shifokorlar bilan yurtimizga tashrif buyuradi. SHu sababli ham mazkur yosh toifasida ”O'zbekiston – 2” terma jamoasi ham shakllantirildi. SHu tariqa nufuzli musobaqada jami 8 ta jamoa qatnashadi.

Turnirga Franciyada joylashgan Jahon sog'liqni saqlash xodimlari Olimpiya o'yinlari associaciyasi vakili Giyom Gassend ham taklif etildi.

Suratlar: Almurod Mamadaminov