Medal kutilayotgan Razambek Jamalovga Olimpiadada kimlar raqiblik qiladi? (Barcha tafsilotlar)

Musobaqada O'zbekiston delegaciyasi, jumladan sport kurashlari bo'yicha terma jamoamiz ham ishtirok etadi. Olimpiadada 3 nafar erkin kurashchimiz, 3 nafar yunon-rim kurashchimiz va yagona ayol kurashchimiz gilamga chiqadi.

Olamsport.com Birlashgan kurash dunyosi (UWW) tasdiqlagan ro'yxatga ko'ra sportchilarimizga turnir doirasida kimlar raqib bo'lishi haqida malumot berib boradi.

Avvalroq, 57 kg vazn toifasidagi erkin kurashchimiz G'ulomjon Abdullaevning bo'lajak raqiblari bilan tanishtirgan edik.

Bu safargi sportchimiz Razambek Jamalov (74 kg) bo'ladi. 

26 yoshli kurashchi uchun bu debyut Olimpiada hisoblanadi. Asli rossiyalik sportchi 2024 yil boshidan buyon O'zbekiston sharafini himoya qilmoqda. Razambekning Olimpiadadagi ishtiroki 9-10 avgust kunlariga to'g'ri keladi.

Razambek Jamalovga Olimpiadada quyidagi kurashchilar raqib bo'lishlari mumkin:

CHermen Valiev (Albaniya)

Kayl Deyk (AQSH)

Turan Bayramov (Ozarbayjon)

Feng Lu (Xitoy)

Geandri Garzon Kabalero (Kuba)

Amir Xusseyn (Misr)

Iman Maxdavi (Qochoqlar jamoasi)

Bacar Ndum (Gvineya-Bisau)

Georgios Kougioumcidis (Greciya)

Yones Emami (Eron)

Frank CHamizo (Italiya)

Daichi Takatani (Yaponiya)

Ali Arsalan (Serbiya)

Tajmuraz Salkazanov (Slovakiya)

Viktor Rassadin (Tojikiston)

Entoni Montero CHirinos (Venesuela).

O'zbekiston sport kurashlari assosiaciyasiga mazkur vazn toifasidagi Olimpiada yo'llanmasini Bekzod Abdurahmonov Bishkekda o'tgan Osiyo licenzion turnirida taqdim etgan edi.

Jamalov Rossiya terma jamoasi tarkibida 2020 yilda Belgradda (Serbiya) o'tgan Jahon kubogi g'olibi bo'lgan.

74 kg vazn toifasida Olimpiadaning amaldagi chempioni rossiyalik Zaurbek Sidakov hisoblanadi. Ammo Sidakov XOQ tomonidan tasdiqlangan neytral maqomdagi sportchilar ro'yxatiga kiritilmagani tufayli, Parij Olimpiadasini o'tkazib yuboradi.