Эркин курашчимиз Ғуломжон Абдуллаевга Олимпиадада кимлар рақиб бўлади?

Мусобақада Ўзбекистон делегацияси, жумладан спорт курашлари бўйича терма жамоамиз ҳам иштирок этади. Олимпиадада 3 нафар эркин курашчимиз, 3 нафар юнон-рим курашчимиз ва ягона аёл курашчимиз гиламга чиқади.

Olamsport.com Бирлашган кураш дунёси (UWW) тасдиқлаган рўйхатга кўра спортчиларимизга турнир доирасида кимлар рақиб бўлиши ҳақида маълумот бериб боради.

Юқорида ёзганимиздек, эркин курашчиларимиз Олимпиадага учта йўлланма қўлга киритган.

57 кг вазн тоифасидаги ҳамюртимиз Ғуломжон Абдуллаев ўзининг иккинчи Олимпиадасида иштирок этади.

Унга қуйидаги курашчилар рақиб бўлиши мумкин:

Зелимхан Абакаров (Албания)

Арсен Харутунян (Арманистон)

Спенcер Ли (АҚШ)

Алиаббас Ризазаде (Озарбайжон)

Ванхао Зоу (Хитой)

Жамал Мохамед (Миср)

Диамантино Иуна Фафе (Гвинея-Бисау)

Аман (Ҳиндистон)

Рей Хигучи (Япония)

Мейрамбек Картбай (Қозоғистон)

Бекзат Алмаз Улуу (Қирғиз Республикаси)

Роман Браво (Мексика)

Владимир Егоров (Шимолий Македония)

Дариан Круз (Пуэрто-Рико)

Стеван Мичич (Сербия).

Эркин курашчимиз Париж-2024 Олимпиадаси йўлланмасини Қирғиз Республикаси пойтахти Бишкек шаҳри мезбонлик қилган Осиё қитъаси спортчилари учун лицензион турнирда қўлга киритганди. Абдуллаев Олимпиада лицензиясини тақдим этувчи 1/2 финал беллашувида ҳиндистонлик Аман Аманни муддатидан аввал, туше баҳоси билан мағлубиятга учратганди. 

Хоразм ўғлони уч йил аввал Токиодаги Олимпия ўйинларида ҳам иштирок этган эди. Ўшанда у бронза медали йўлидаги ўтиш баҳсида АҚШ терма жамоаси аъзоси Томас Гилманга 1-11 ҳисобида имкониятни бой берган эди.

Маълумот ўрнида, Ғуломжон Абдуллаев иштирок этадиган 57 кг вазн тоифасидаги беллашувлар 8-9 август кунлари ўтказилади.