Medvedev - Parij "Masters" chempioni!

Bosh sovrin rossiyalik Daniil Medvedevga nasib etdi. Dunyoning beshinchi raketkasi bo'lib turgan Daniil hal qiluvchi final uchrashuvida reytingda o'zidan ikki pog'ona pastda borayotgan germaniyalik Aleksandr Zverevni mag'lubiyatga uchratdi - 5/7, 6/4, 6/1.

Ikki soatu 7 daqiqa davom etgan bahsda 24 yoshli Medvedev 14 ta, 23 yashar Aleksandr esa 11 ta eys zarbani amalga oshirdi. O'zaro uchrashuvlarda esa hamon germaniyalik tennischi oldinda bormoqda - 5:2.

Malumot uchun, Rolex Paris Masters turniridagi muvaffaqiyatli ishtirok Medvedevga 225,210 evro mukofot puli hamda 1000 reyting ochkosini taqdim etdi. Parijda u faoliyatidagi sakkizinchi sovrinini qo'lga kiritdi.