Medvedev Toronto "Masters" 1/4 finalida

Dunyoning ikkinchi raketkasi bo'lib turgan Daniil Medvedev musobaqaning chorak finaliga yo'l oldi. Rossiyalik tennischi nimchorak finalda reytingning 85-pog'onasidan joy olib turgan avstraliyalik Jeyms Dakvortdan ustun keldi - 6/2, 6/4.

Oltmish to'qqiz daqiqa davom etgan bahsda 25 yoshli Daniil 10 ta, 29 yashar Jeyms esa bittagina eys zarbasini ijro etgan. Bu tennischilarning o'zaro o'tkazgan ilk uchrashuvi edi. Endi Medvedev National Bank Open turnirining yarim final chiptasi uchun polshalik Xubert Gurkachga qarshi kortga chiqadi.