Medvedev US Open va Cincinnatigacha Vashingtonda o'ynaydi

Medvedevning ilk rasmiy musobaqasi AQSH poytaxti Vashingtonda o'tkaziladigan ATP turniri bo'ladi. Ushbu musobaqa 14-21 avgust kunlari oralig'ida o'tkaziladi.

"Bu turnirda uch yildan beri ishtirok etib kelaman. Bu yil esa o'tgan yilgi final ochkolarini himoya qilishim kerak. Agar Vashingtonga bormasam, u holda Cincinnati turnirini erta tark etishim mumkin. Mabodo shunday bo'lib chiqsa, unda US Open turniri oldidan o'yin amaliyotisiz qolib ketaman", - deya Medvedevning so'zlarini keltirmoqda l'Equipe nashri.

Eslatib o'tamiz, Cincinnati turniri 22-29 avgust, "Katta Dubulg'a" turkumiga kiruvchi US Open musobaqasi 31 avgust-13 sentyabr kunlari oralig'ida bo'lib o'tadi.