Men CHen - Tokio-2020 Olimpiya o'yinlari g'olibi

Kecha ayollar o'rtasida stol tennisi bahslarining final uchrashuvi bo'lib o'tdi. Hal qiluvchi bahsda ikki nafar xitoylik sportchilar to'qnash kelishdi. Sayyoramizning birinchi raqamli stol tennischisi Men CHen hamyurti In SHa Sunga qarshi bahs olib bordi. Olti set davom etgan uchrashuvda Men raqibasini 4:2 (9:11, 11:6, 11:4, 5:11, 11:4, 11:9) hisoblarida mag'lub etdi va yakkalik bahslarida oltin medalni qo'lga kiritdi. Musobaqalarning uchinchi o'rnidan Yaponiya vakilasi Mima Ito egalladi.