Mersedes Cup. Istomin chorak finaldagi o'yinini o'tkazdi

Maysali kortlardagi ushbu musobaqada hamyurtimiz Denis Istomin ham ishtirok etdi. Mamlakatimizning birinchi raketkasi dastlabki ikki bosqichda reytingda o'zidan yuqorida turgan raqiblarini mag'lubiyatga uchratib chorak finalga yo'l olgandi.

Biroz oldin Istomin yarim final chiptasi uchun turnirda ikkinchi raqam ostida tasniflangan franciyalik Lukas Puilga qarshi kortga chiqdi.

Bahsda dunyo reytingida 17-o'rinni egallab turgan Puil uch setda 6:4, 6:7, 6:3 hisobida g'alaba qozonib yarim finalga chiqdi. Istomin esa musobaqani chorak finalda yakunladi.