Mezbonlar 5 ta "tilla" bilan O'zbekiston Kubogi sohibi bo'lishdi

Uch kun davomida Qoraqalpog'iston Respublikasi, Toshkent shahri va deyarli barcha viloyatlardan kelgan 300 nafarga yaqin dzyudochilar tatamiga chiqishdi. Murosasiz bellashuvlar yakuniga ko'ra, Surxondaryo viloyati terma jamoasi 5 ta oltin, 1 ta kumush, 4 ta bronza medali bilan O'zbekiston Kubogi sohibiga aylandi. 

Ikkita oltin, 2 ta kumush, 3 ta bronza medalini qo'lga kiritgan Toshkent viloyati jamoasi ikkinchi o'rinni egallagan bo'lsa, kuchli uchlikka xuddi shundan natija qayd etgan qashqadaryolik dzyudochilar yakun yasab berishdi. 

Qoraqalpog'iston, Toshkent shahri, Samarqand, Andijon va Buxoro viloyati jamoalari safida bir nafardan chempion bor.