Miami Open. Medvedev - Marrey uchrashuvi g'olibi ikki setda aniqlandi

Rossiyalik tennis ustasi 90 daqiqa davom etgan ikkinchi davra uchrashuvida ATP reytingida 85-o'rinni egallab turgan britaniyalik Endi Marreyni 6/4, 6/2 hisobida taslim etdi. 

Uchrashuv davomida 26 yoshli Medvedev 4 ta, 34 yashar Marrey esa bitta eys zarbasini amalga oshirgan. Tennischilarning o'zaro uchrashuvlarida Daniil oldinda bormoqda - 2:0. 

Endi u Miami Open turnirining uchinchi bosqichida Pedro Martinesga qarshi kortga chiqadi. Ispaniyalik o'z o'rnida chililik Kristian Garindan ustun keldi - 7/6(2), 6/2.