Miami Open. Qozog'istonlik tennis malikasi bu yil ham finalda o'ynaydi

WTA 1000 toifasiga kiruvchi, umumiy mukofot jamg'armasi 8,9 million dollarni tashkil etuvchi ushbu nufuzli musobaqaning o'tgan yilgi finalchisi Elena Ribakina bu safar ham bosh sovrin uchun o'ynaydigan bo'ldi. 

Dunyoning to'rtinchi raketkasi bo'lib turgan qozog'istonlik tennis malikasi 1/2 finalda WTA reytingining 32-pog'onasidan joy olgan belaruslik Viktoriya Azarenkoni uch set natijasiga ko'ra mag'lubiyatga uchratdi - 6/4, 0/6, 7/6(2).

Elena tennischilarning o'zaro uchrashuvlarida mutlaq ustunlikka erishmoqda - 4:0. Ikki soatu 36 daqiqa davom etgan bahsda Ribakina 11, Azarenko 8 ta eys zarbasini amalga oshirgan. Qo'shxatolar Viktoriyada ikki barobar ko'proq bo'ldi - 6 ga 3.