Miami Open. Ribakina Paula Badosani mag'lub etib, 1/8 finalga yo'l oldi

Jahonning ettinchi raketkasi, qozog'istonlik Elena Ribakina turnirning uchinchi bosqichida WTA reytingida 29-pog'onani egallab turgan ispaniyalik Paula Badosani 3/6, 7/5, 6/3 hisobida mag'lub etdi.

Tennischilar kortda 2 soatu 32 daqiqa harakat qilishdi. Qozog'istonlik tennischi ushbu g'alabadan so'ng o'zaro o'yinalardagi hisobni qisqartirdi - 3:4. 

SHuningdek, Ribakina o'zining ketma-ket 10-g'alabasini qo'lga kiritdi, bu uning faoliyatidagi eng uzoq mag'lubiyatsiz seriyadir. Miami Open musobaqasining 1/8 finalida u belgiyalik Elize Mertensga qarshi bahs olib boradi.