WTA reytingi yangilandi. Rahimova yana O'zbekistonning birinchi raketkasi, qozog'istonlik tennischi esa dunyoning!

Ikki haftalik AQSH Ochiq chempionati natijalari asosida yangilangan reytingda O'zbekistonning birinchi raketkasi yana o'zgardi. Qisqa muddat birinchi raqamli tennis malikamiz bo'lgan Mariya Timofeeva o'z o'rnini Kamilla Rahimovaga bo'shatib berdi. Har ikki tennischimiz US Open 2026 turnirining asosiy to'rida nisbatan muvaffaqiyatli ishtirok etdi. Mariya ikkinchi, Kamilla esa uchinchi davraga qadar etib bordi. Rahimova 16 pog'onaga yuqorilab, 76-o'ringa joylashdi. Timofeeva esa bir pog'onaga pastlab, 87-o'rinni egallab turibdi.     

O'zbekistonning uchinchi raketkasi Polina Kudermetova 6 pog'onaga pastlab, Top-100`talikdan chiqib ketdi. Hamyurtimiz AQSH Ochiq chempionati saralash bosqichining 1/4 finalida chexiyalik Linda Fruxvirtovaga 1/6, 3/6 hisobida imkoniyatni boy bergan edi. To'rtinchi raketkamiz Layma Vladson 12 pog'onaga ko'tarilib, 570-o'ringa joylashdi. 

Tennischilarimiz orasida eng katta ko'tarilishga Darya SHubina erishdi. U 59 o'ringa yuqorilab, hozirda 1467-o'rinni egallab turibdi. Sevil Yuldasheva bir pog'ona yuqoriladi. Qolgan ikki tennis malikamiz esa reytingda pastladi. Milana Maslenkova 81, Vlada Yakshibarova 43 pog'ona quyiga sho'ng'idi. 

Dunyo tennischilarining Top-10`taligida bir nechta ahamiyatga molik o'zgarishlar kuzatildi. US Open 2026 finalida musobaqaning amaldagi chempioni Arina Sobolenkoni mag'lubiyatga uchratgan qozog'istonlik Elena Ribakina dunyoning birinchi raketkasiga aylanib oldi. Belaruslik tennischi chempionlik va karvonboshilikni topshirdi va ikkinchi o'ringa tushdi. Ukrainalik Marta Kostyuk Top-10`ga qaytdi. Karolina Muxova va Iga Svyontek o'zaro o'rin almashib olishdi. 

WTA reytingi. 14 centyabr kungi holat:

1 (2). Elena Ribakina (Qozog'iston) — 9901 ochko

2 (1). Arina Sobolenko (Belarus) — 7875

3 (3). Jessika Pegula (AQSH) — 7265

4 (4). Kori Gauff (AQSH) — 7244

5 (5). Mirra Andreeva (Rossiya) — 5743

6 (6). Linda Noskova (CHexiya) — 5328

7 (9). Elina Svitolina (Ukraina) — 4809

8 (7). Karolina Muxova (CHexiya) — 4683

9 (8). Iga Svyontek (Polsha) — 4619

10 (11). Marta Kostyuk (Ukraina) — 3980…

O'zbekistonlik tennischilarning WTA reytingidagi o'rni:

76 (92). Kamilla Rahimova – 912

87 (86). Mariya Timofeeva – 873

103 (97). Polina Kudermetova – 728

570 (558). Layma Vladson – 84

964 (965). Sevil Yuldasheva – 26

1238 (1157). Milana Maslenkova – 10 

1460 (1417). Vlada Yakshibarova – 4 

1467 (1526). Darya SHubina – 4