"Milan" Evrokuboklardan chetlatildi

Tekshiruv natijalariga ko'ra, Italiya jamoasi 2019/2020 mavsum evrokubok turnirlaridan chetlatildi. Klub 2015-2018 yillarda qoidaga amal qilmagan.

"Milan" so'nggi mavsum yakuniga ko'ra, A Seriyada beshinchi o'rinni egallab, Evropa Ligasi guruh bosqichida ishtirok etish yo'llanmasini qo'lga kiritgan edi. Oldinroq, rossonerlar turnirda ishtirok etishdan bosh tortmoqchi bo'layotgani, ularning o'rnini esa "Roma" egallashi aytilayotgandi.

Eslatib o'tamiz, o'tgan yilning dekabr oyida "Milan"ga 12 mln. evro jarima solingan edi. Klub Evropa ligasidan shuncha daromad olishi kerak bo'lgan, biroq UEFA jarima tariqasida pullarni to'lamadi. Bundan tashqari, yaqin ikki mavsum ichida "Milan" evrokuboklarda 21 nafardan ortiq futbolchini qaydnomaga kirita olmaydi.