Milliy olimpiya qo'mitasi Toshkent markazida ilk marotaba otlar ishtirokida ajoyib tadbir tashkil qiladi

Milliy olimpiya qo'mitasi tashabbusi bilan ertaga, 7 iyul kuni Toshkent shahrida ot sporti bo'yicha qiziqarli fleshmob tashkil qilinadi. Aholi orasida ot sportini ommalashtirish, yoshlarning etiborini unga qaratish maqsadida o'tkazilayotgan tadbirga 100ta ot jalb qilinishi kutilmoqda.

Qayd etish lozimki, bu kabi chiqishlar jahonning turli mamlakatlarida, deyarli barcha yirik shaharlarda o'tkaziladi. Parad ajoyib ot yo'rttirish, ularning nozik yo'rg'alashi va boshqa ajoyib chiqishlarni tomosha qilish imkonini beradi.

Ko'p asrlardan beri bu jonivorlarning sadoqatligi, chidamliligi, tezligi va erkin hur hulqi insonlarni hayratga solib keladi. Oldin otlar jangchilarning sodiq do'sti bo'lib kelgan bo'lsa, hozirgi kunda esa ular sport maydonida chavandozlarning ishonchli sherigidir.

O'zbekiston Milliy olimpiya qo'mitasi, O'zbekiston yilqichilik va ot sporti federaciyasi, Milliy Gvardiya, Ichki ishlar vazirligi bilan hamkorlikda tashkil etilayotgan ushbu tadbir ertaga soat 18:00da poytaxtimiz markazida joylashgan "Amir Temur hiyoboni"da bo'lib o'tadi.

Qo'shimcha malumotlarni 148 31 13 raqamlari orqali olish mumkin bo'ladi.

O'zbekistonda ilk marotaba o'tkazilayotgan ushbu ajoyib tadbirni o'tkazib yubormang!