Milliy olimpiya qo'mitasida Janubiy Koreyalik golf mutaxassisi bilan uchrashuv tashkil etildi

Kunchiqar yurt mezbonlik qiladigan Olimpiya o'yinlarida yurtdoshlarimiz vatanimiz uchun yangi bo'lgan sport turlaridan ham licenziya qo'lga kiritishni maqsad qilganlar. Jumladan, golf ham ana shunday sport turlari toifasiga kiradi. CHunki, o'zbekistonlik sportchilar bungacha golf bo'yicha Olimpiya o'yinlarida ishtirok etmaganlar.

Bugun, 29 noyabr kuni Milliy olimpiya qo'mitasi prezidenti Umid Ahmadjonov golf bo'yicha Janubiy Koreyadan tashrif buyurgan mutaxassis Yang CHan Guk bilan uchrashdi. Sir emaski, mazkur yurt golf bo'yicha jahonda etakchi mamlakatlar qatorida etirof etiladi. O'tkazilgan uchrashuvda ikki tomonlama hamkorlik o'rnatish bo'yicha muzokaralar o'tkazildi.

«Avvalambor, O'zbekistonga xush kelibsizlar! Mamlakatimizga Janubiy Koreyadan ham golfchilar kelib turishadi. CHunki, bizda mazkur sport turi uchun baza bor. Biz bundan samarali foydalangan holda O'zbekistonda ham golfni rivojlantirmoqchimiz. Tan olish lozim, sportning ushbu turi yurtimizda u qadar rivojlanmagan. Golf ommaviyligi bo'yicha Janubiy Koreya ancha yuqori pog'onalarda turadi», – dedi MOQ prezidenti Umid Ahmadjonov.

O'z navbatida mehmon ham hamkorlik qilishdan xursand ekanligini, golf O'zbekiston uchun mos keluvchi sport turiligi haqida gapirdi.

Uchrashuv davomida tomonlar hamkorlik o'rnatish, O'zbekistonda golfni rivojlantirish, Tokio 2020 Olimpiya o'yinlari uchun O'zbekistonning licenziya qo'lga kiritish imkoniyatlarini muhokama qildilar. SHuningdek kelishuvga ko'ra, yaqin kunlarda o'zbekistonlik yosh golfchilar Janubiy Koreyaga borib, o'z malakalarini oshiradilar.

Uchrashuv yakunida Umid Ahmadjonov Milliy olimpiya qo'mitasi nomidan mehmonga esdalik sovg'asini taqdim etdi.