22 fev 19:05
Yangiliklar
Engil atletika
Milliy olimpiya qo'mitasida O'zbekiston Engil atletika federaciyasining hisobot-saylov konferenciyasi bo'lib o'tdi
Konferenciyani Milliy olimpiya qo'mitasi Bosh kotibi Oybek Kasimov olib bordi.
Unda 2013–2016 yillar davomida amalga oshirilgan ishlar yuzasidan federaciya rahbariyatining hisoboti tinglandi.
Malumki, o'tgan to'rt
yil davomida engil atletika bo'yicha mamlakatimiz sportchilari ko'plab
xalqaro turnirlarda, Osiyo o'yinlari va qita chempionatlarida Vatanimiz
sharafini himoya qilib, sovrindorlar safidan o'rin egallashdi. SHu bilan
birga yurtimizda ham qator ichki va xalqaro musobaqalar yuqori saviyada
tashkil qilinib, yangidan-yangi iqtidorlar safi kengaydi.
![]()
Qolaversa to'rt
yillikning eng muhim musobaqasi sanalgan Olimpiya o'yinlariga ham
licenziyalarning eng ko'pini aynan ushbu sport vakillari qo'lga
kiritishgandi. Ammo hozircha engil atletikachilarimizdan hech biri Olimpiya
o'yinlari sovrindorlari orasiga kira olmadi.
![]()
So'nggi yillarda
sportning ko'pgina turlari qatorida engil atletikaga ham davlatimiz
tomonidan alohida etibor qaratilmoqda. Konferenciyada sportning ushbu
turini mamlakatimizda yoshlar orasida yanada ommaviylashtirish, moddiy
texnika bazasini mustahkamlash, terma jamoalarda selekciya ishlarini
kuchaytirish, murabbiylar malakasini oshirish va albatta navbatdagi Olimpiya
o'yinlari Tokio 2020da muvaffaqiyatli ishtirok etish federaciyaning ustuvor
vazifalari sifatida belgilandi.
![]()
Konferenciyada
shuningdek, Engil atletika federaciyasi rahbariyatining yangi tarkibi
saylandi. Jumladan, O'zbekiston Engil atletika federaciyasi raisi
lavozimiga O'zbekiston Respublikasi Bosh vazir o'rinbosari G'ulomjon
Ibragimov, uning birinchi o'rinbosari etib “O'zbekneftegaz” Milliy xolding
kompaniyasi boshqaruv raisi o'rinbosari Olimxon Rustamov bir ovozdan
saylanishdi.
![]()
Abdullo Sagdiev, Bexzod
Mirtemirov, Baxtiyor Ikramjanovlar rais o'rinbosari lavozimiga,
Kamoliddin Ro'zimuhamedov esa Bosh kotib lavozimiga saylanishdi.
![]()
Yana bir yangilik. Ayni
vaqtda poytaxtimizdagi “Paxtakor” stadioniga yondosh hududda engil
atletika bo'yicha maxsus sport majmuasi hamda federaciyaning yangi binosi
qad roslamoqda. Federaciya rahbariyatining so'zlariga ko'ra mazkur majmua shu
yilning aprel oyida foydalanishga topshirilishi rejalashtirilgan. Bu o'z
navbatida sportning ushbu turini mamlakatimizda yanada rivojlanishi va
ommaviylashuviga xizmat qilishi shubhasiz.
Havola :
Manba : Olympic.uz
Fikrlar