Milliy paralimpiya qo'mitasi tomonidan ham hududlarda o'rganish ishlari olib borilyapti

Qo'mita raisi maslahatchisi Anvar Mursakulov Qashqadaryo viloyatiga amalga oshirgan xizmat safari davomida viloyat Sport boshqarmasi, Ijtimoiy himoya milliy agentligi, Tibbiy ijtimoiy ekspert komissiyasi, Yoshlar ishlari agentligi masullari bilan hamkorlikda nogironligi bo'lgan shaxslarni ommaviy sportga qamrab olish masalasini muhokama qildi. 

SHuningdek, G'uzor va Dehqonobod tumanlaridagi sport maktablarida paralimpiya yo'nalishi bo'yicha faoliyat yuritayotgan trenerlar bilan matonatli yoshlarimizni sportga jalb qilishdagi muammo va kamchiliklar, ayniqsa, tog'li hududlardagi yoshlar o'rtasida paralimpiya sport turlarini ommalashtirish masalalari to'g'risida yig'ilish o'tkazildi.

Yig'ilish yakunida hududdagi mavjud imkoniyatlar va xususiyatlardan kelib chiqqan holda, nogironligi bo'lgan shaxslarni jismoniy tarbiya va sportga qamrab olish bo'yicha tumanning alohida dasturi ishlab chiqish bo'yicha topshiriq berildi.