Monte-Karlo. Stefanos Cicipas chempionlik himoyasiga kirishdi

Musobaqada favoritlar qatorida etirof etirof etilayotgan jahonning 5-raketkasi greciyalik Stefanos Cicipas turnirning ikkinchi davrasida ATR reytingida 32-o'rinni egallab turgan italiyalik Fabio Fogniniga qarshi kortga chiqdi.

1 soatu 11 daqiqa davom etgan uchrashuvda 23 yoshli Cicipas raqibini 6/3, 6/0 hisobida mag'lub etdi. Ushbu vaqt davomida greciyalik tennischi uchta eys zarbasini amalga oshirib, to'pni o'yinga kiritishda bir marta xatoga yo'l qo'ydi va beshta breyk-poyntdan unumli foydalandi. 34 yoshli Fognini esa bitta breyk qayd etib, besh marta qo'sh xatoga yo'l qo'ydi. Sportchilarning o'zaro uchrashuvlarida hisob greciyalik tennischi foydasiga yiriklashdi, 4:0.

Rolex Monte-Carlo Masters musobaqasining uchinchi davrasida Cicipas serbiyadik Laslo Jere yoki italiyalik Lorenco Sonegoga qarshi kortga chiqadi.