MOQ bosh kotibi Oybek Kasimov 1.5 mln dollarlik soat sotib olgani haqidagi xabarlarga munosabat bildirdi

Avvalroq, OAVda Kasimovning qo'lida go'yoki 1.5 mln dollar narxga ega soat taqilgani haqidagi xabarlar tarqalgan edi. MOQ bosh kotibi Repost.uz muxbiri bilan suhbatda mazkur xabarlarga munosabat bildirdi.

"Balki bu turdagi soat, yani suratda aks etgan soat haqiqatan ham shuncha narxga egadir. Lekin mening qo'limdagi soat, umuman boshqa soatdir. "RichardMiller" turidagi soatga aloqasi yo'q. Ishlab chiqaruvchisi ham, dizayni ham umuman farq qiladigan soat. Bunchalik summaga soat sotib olishim mumkin deb o'ylamaganman ham. Menda bu soatni sotib olish imkoni bo'lgan taqdirda ham bunchalik katta summaga soat sotib olmasdim. Soatga katta qiziqishim ham yo'q", dedi Oybek Amilovich.

Ayni damda Oybek Kasimov O'zbekiston delegaciyasi bilan birgalikda Parij shahrida Olimpiya o'yinlariga tayyorgarlik ko'rmoqda.