MOQ prezidenti baydarka va kanoechilarimiz yig'inida bo'ldi

Ushbu yo'nalishda terma jamoamiz vakillari shu paytgacha Tokio-2020 Olimpiya o'yinlariga 2 ta, Paralimpiya o'yinlariga esa 3 ta yo'llanma qo'lga kiritishgan. Yana bir necha haftadan so'ng esa vakillarimizni Tokio-2020 ga yo'llanma beruvchi so'nggi start kutib turibdi. Mana shunday masuliyatli pallada tayyorgarlik ayni avji pallasida.

O'z navbatida davlatimiz sportchilarimizning bekami ko'st shug'ullanishlari uchun barcha sharoitlarni yaratib bermoqda. Kecha MOQ prezidenti Rustam SHoabdurahmonov Toshkent viloyati Tuyabo'g'iz suv omboridagi terma jamoamiz bazasiga tashrif buyurib, sportchilarimiz bilan uchrashdi va ular uchun qurilayotgan yangi obektlarni ko'zdan kechirdi. 

Tashrif davomida MOQ rahbariga XXXII yozgi Olimpiya hamda XVI Paralimpiya o'yinlariga tayyorgarlik ko'rish va munosib ishtirok etish tadbirlarini muvofiqlashtirish SHtabi boshlig'i, O'zbekiston taekvondo WT associaciyasi raisi SHerzod Toshmatov hamrohlik qildi.

Ayni paytda sportchilarimiz uchun Tuyabo'g'iz suv ombori bo'yida zamonaviy sharoitlarga ega qo'shimcha yangi sport bazasi qurilmoqda, eskisi rekonstrukciya qilinmoqda. Baydarka va kanoeda, shuningdek, slalomda eshkak eshish bo'yicha terma jamoamizni mart oyida Tailandda o'tadigan Tokio Olimpiadasiga licenzion Osiyo chempionati kutib turibdi.

Akademik eshkak eshuvchilarimiz esa aprel oyida Janubiy Koreyada o'tadigan qita birinchiligida Tokio-2020 yo'llanmasi uchun startga chiqishadi. Atletlarimiz ob-havoning bugungidek qiyinchiliklariga qaramay shug'ullanishda davom etishmoqda. Maqsad aniq – XXXII yozgi Olimpiya o'yinlariga imkon qadar ko'proq licenziya qo'lga kiritish va to'rt yillikning eng muhim sport festivalida muvaffaqiyatli ishtirok etish.

Buning uchun esa tabiiyki sportchi va murabbiylarga barcha kerakli sharoitlarni yaratib berish talab etiladi. MOQ rahbari bugungi tashrifi davomida mutassadilarga bu borada kerakli ko'rsatma va tavsiyalarni berdi.