MOQ va “Temurbeklar maktabi”ning hamkorligi davom etadi

Toshkent shahrida joylashgan “Temurbeklar maktabi” o'quvchilari orasida sportni ommalashtirish, ularni har tomonlama barkamol avlod va kelajakda harbiy xizmatga jismonan va ruhan matonatli xodim  sifatida tarbiyalash mazkur maskanning asosiy maqsadlaridan biri. Bu borada O'zbekiston Respublikasi Davlat xavfsizlik xizmati va O'zbekiston Milliy Olimpiya qo'mitasi o'rtasida hamkorlik bitimi imzolangan bo'lib, ushbu hamkorlik doirasida bir qator samarali ishlar olib borilmoqda.

Bugun MOQ raisining birinchi o'rinbosari Ravshan Irmatov Yunusobod tumanida joylashgan ushbu maktab binosida bo'ldi. Tashrif davomida MOQ raisining birinchi o'rinbosari yoshlar uchun bu erda yaratib berilgan sharoitlar, qad rostlagan zamonaviy sport obektlarini ko'zdan kechirdi va mutasaddilar bilan fikr almashdi.

Ravshan Irmatov suhbat davomida Turizm va sport vazirligi, MOQ bo'lajak oficerlarimizning sport bilan shug'ullanishlari uchun zarur yordamni ko'rsatishga, ularni malakali trenerlar bilan taminlashga tayyor ekanligini bildirdi. SHuningdek, mutasaddilar hamkorlikning kelgusi qadami davomida qilinadigan ishlar bo'yicha bir qator rejalarni muhokama qilib olishdi.