MOQ vakillari Saudiya Arabistonida

Unda Xalqaro Olimpiya qo'mitasi O'yinlar departamenti direktori Toshio Curunaga va Osiyo Olimpiya Kengashi Osiyo o'yinlari Bosh direktori Haydar Farmon boshchiligidagi mutaxassislar, mintaqa MOQ vakillari qatori O'zbekiston Milliy Olimpiya qo'mitasi xodimlari ham ishtirok etishyapti. 

Forumda kelasi yil Osiyo qitasida o'tadigan yirik kompleks musobaqalarga olib borilayotgan tayyorgarlik, har bir mezbon davlatning qonunlaridan kelib chiqqan holda musobaqa tashkiliy qo'mitasi tomonidan belgilanayotgan talablar xususida batafsil malumot berilmoqda. 

Qayd etish joiz, bizni 2023 yil yil 23 sentyabr – 8 oktyabr kunlari Xitoyning Xanchjou shahrida XIX yozgi Osiyo o'yinlari, 17-26 noyabr kunlari esa Tailandning Bangkok hamda CHonburi shaharlarida Jang sanati va yopiq inshootlardagi Osiyo o'yinlari va boshqa musobaqalar kutib turibdi. 

Tadbir davomida har bir O'yinlarning tashkiliy qo'mitasi vakillari musobaqalar haqidagi yangi malumotlar, reglamentdagi o'zgarishlar bo'yicha batafsil axborot bermoqdalar. SHuningdek, Forumda Parij-2024 XXXIII yozgi Olimpiya o'yinlari tashkiliy qo'mitasi vakillari uchun ham alohida navbat berildi. Evropalik mutaxassislar unda onlayn ishtirok etib, har bir delegaciya uchun qo'yilayotgan talablar haqida malum qilishdi.  

Kun tartibiga muvofiq, Forumda kompleks musobaqalarga tayyorgarlikdan tashqari mintaqada Olimpiya harakati targ'ibotini yanada kuchaytirish, atletlarning huquqlarini muhofaza qilish, tashkilotning moliyaviy hisob-kitoblari bo'yicha ham maruza qilinmoqda. SHuningdek, hamyurtlarimiz bo'lajak musobaqalarga tayyorgarlik yuzasidan xorijlik hamkasblar bilan tajriba almashishmoqda.