MOQda engil atletika va zamonaviy beshkurash federaciyalarining hisoboti tinglandi

Tadbirni O'zbekiston MOQ prezidenti Rustam SHoabdurahmonov olib bordi. Unda, shuningdek, O'zbekiston Respublikasi Prezidenti administraciyasi masul xodimi SHavkat Sultonov, Jismoniy tarbiya va sport vazirining birinchi o'rinbosari Oybek Kasimov, MOQ prezidenti maslahatchisi Nazirjon Xudoyqulov, federaciya va associaciyalar rahbariyati hamda OAV xodimlari ishtirok etdi. 

Dastlab engil atletika federaciyasining ishi ko'rib chiqildi. Hisobotni federaciya Bosh kotibi Kamoliddin Ro'zimuhammedov o'qib eshittirdi. K.Ro'zimuhammedov taqdimoti davomida atletlarimizning Tokio Olimpiadasiga olib borayotgan tayyorgarligi, licenziyaga davogar, saralab olingan sportchilarimiz va ularning ko'rsatkichlarini tahlil qilib berdi. 

SHundan so'ng zamonaviy beshkurash federaciyasi Bosh kotibi Kseniya Gulyamova ham federaciya faoliyati bilan yaqindan tanishtirdi. Hisobotlar ko'rib chiqilgach sohada erishilayotgan yutuqlar, kamchiliklar xususida atroflicha mulohazalar bildirildi. O'z navbatida hali bu sport turlari bo'yicha Tokio Olimpiadasiga licenziya qo'lga kiritilmagani borasida ham tanqidiy savollar ham qolib ketmadi.

Yig'ilish so'ngida Rustam SHoabdurahmonov terma jamoalarning moddiy-texnik bazalarini yaxshilash, xalqaro o'quv-mashg'ulot yig'inlarini samarali yo'lga qo'yish va har bir sportchining ijtimoiy, ruhiy holatini chuqur o'rganib chiqish bo'yicha ko'rsatma berdi.