MOQning olti oylik faoliyatiga OAV xodimlari bilan nazar tashlandi

Bugun Milliy matbuot markazida O'zbekiston Milliy Olimpiya qo'mitasi tomonidan 2023 yilning 1-yarim yilligida amalga oshirilgan ishlar va 2-yarim yillik rejalariga bag'ishlangan matbuot anjumani bo'lib o'tdi. Unda Qo'mita Bosh kotibi Oybek Kasimov mavzu yuzasidan OAV xodimlariga atroflicha malumot berdi.

Oybek Omilovich Yoshlar siyosati va sport vazirligi, sport federaciyalari va associaciyalari bilan birgalikda yaqinlashib kelayotgan Xanchjou-2022 Osiyo hamda Parij-2024 Olimpiya o'yinlari va boshqa kompleks musobaqalarga olib borilayotgan tayyorgarlik, so'nggi olti oyda nufuzli xalqaro musobaqalarda atletlarimiz qayd etgan natijalar, terma jamoalarga yaratib berilayotgan sharoitlar, xalqaro tashkilotlar bilan yo'lga qo'yilayotgan do'stona aloqalar haqida to'xtaldi. SHundan so'ng jurnalistlar mavzu yuzasidan spikerga o'zlarini qiziqtirgan savollari bilan murojaat qilishdi.

Suratlar muallifi - Alimurod MAAMADAMINOV, o'z muxbirimiz