Moskvada qishki korporativ o'yinlar o'tkaziladi. Unda o'zbekistonliklar ham ishtirok etadi

SHu yilning 11-13 fevral kunlari Moskvada navbatdagi qishki korporativ o'yinlari bo'lib o'tadi. 

Bu musobaqada turli tashkilotlarda faoliyat yuritayotgan xodimlar ishtirok etadi. 2018 yildan beri muntazam o'tkazib kelinayotgan qishki korporativ o'yinlarda sportning 28 turi bo'yicha g'oliblar aniqlanadi. 2000 nafardan ziyod sportchi umumiy hisobda 690ta medal uchun kurash olib boradi. 

Qishki korporpativ o'yinlarida armrestling, basketbol, biatlon, voleybol, futbol, darts, tog' chang'isi, kerling, engil atletika, stol tennisi, otjimaniya, tennis, arqonga tortilib chiqish, suzish, turnikka tortilish, o'q otish, snoubord, kibersport, shaxmat, shashka, bilyard, bouling kabi sport turlari bo'yicha tashkilot xodimlari o'z kuchlarini sinab ko'rishlari mumkin. 

Ushbu musobaqada yurtimizdagi turli tashkilotlar xodimlarining har xil sport turlari bo'yicha qatnashishi kutilyapti.

Moskvada bo'lib o'tadigan qishki korporativ o'yinlar bosh tashkilotchisi Butunrossiya "Mehnat zaxiralari" jismoniy tarbiya va sport jamiyati hisoblanadi. 

Turli tashkilotlarda faoliyat yuritayotganlar diqqatiga: agar sizda ham Moskvadagi musobaqada ishtirok etish istagi bo'lsa, quyidagi raqamga murojaat qilishingiz mumkin. 

+998 91 629 42 77 (SHohrux)