01 iyu 11:26
Yangiliklar

Tennis

Mugurusa Svitolinaning 1/8 finalga chiqishiga yo'l qo'ymadi

Franciya poytaxti Parij shahrida “Katta Dubulg'a” turkumiga kiruvchi “Rolan Garros” turniri davom etmoqda.

Ispaniyalik tennischi Garbine Mugurusa turnirning 1/8 finaliga chiqdi. Dunyoning 19-raketkasi uchinchi davra uchrashuvida reytingning 9-pog'onasidan joy olgan ukrainalik Elina Svitolinaga qarshi kortga chiqdi.

Bir soatu 28 daqiqa davom etgan bahsda Mugurusa nomdor raqibasini 6:3, 6:3 hisobida taslim etdi. Endi Garbine Franciya Ochiq chempionatining chorak finaliga chiqish uchun amerikalik Sloan Stivens hamda sloveniyalik Polona Xercog uchrashuvi g'olibi bilan hisob-kitob qiladi.