Mukofot jamg'armasi 90 million so'mlik shaxmat musobaqasidan FOTOGALEREYA

Sovrin jamg'armasi 90 million so'm bo'lgan (qiz bolalar uchun 30 million, o'g'il bolalar uchun 60 million) musobaqa qizg'in va murosasiz kurashlarga boy bo'ldi.

Qizlar 11 tur o'ynashdi. Musobaqa yakunida Nilufar Yoqubboeva va Umida Omonova bir xil 8,5 ochko jamg'ardi. Lekin g'alabalar soni Nilufar (7 ta) da  Umida (6 ta) ga nisbatan ko'p bo'lgani bois, unga 1-o'rin nasib etdi. Bahora Abdusattorova 3-o'rin bilan kifoyalandi. Sovrin jamg'armasi 30 million bo'lgan turnirning g'olib va sovrindorlari diplom, medal hamda pul mukofotlari bilan taqdirlandi.

O'g'il bolalar o'rtasidagi sovrin jamg'armasi 60 million so'm bo'lgan chempionat bahslari 13 tur davom etdi.  Musobaqa yakuniga ko'ra, g'oliblik hamda 20 million so'm Javohir Sindarovga nasib etdi. Keyingi o'rinlarni Jahongir Vohidov (12 million so'm) hamda Nodirbek Abdusattorov (8 million so'm) lar egalladi.

Endi g'oliblar Nilufar Yoqubboeva va Javohir Sindarov Xalqaro shaxmat federaciyasining Jahon kubogi bahslarida ishtirok etadi.

Saytimiz fotomuhbiri Alimurod Mamadaminov ushbu musobaqadan ajoyib suratlarni taqdim etdi: