Nadal - to'rt karra US Open chempioni!

Erkaklar o'rtasidagi musobaqaning yakkalik bahslarida dunyoning ikkinchi raketkasi Rafael Nadal bosh sovrin sohibiga aylandi. Ispaniyalik tennis yulduzi hal qiluvchi final uchrashuvida reytingning 5-pog'onasidan joy olib turgan rossiyalik Daniil Medvedevga qarshi kortga chiqdi.

Nadal 4 soatu 49 daqiqa davom etgan dramatik final yakunida 7/5, 6/3, 5/7, 4/6, 6/4 hisobida zafar quchib, o'z faoliyatida to'rtinchi bor AQSH Ochiq chempionati g'olibiga aylandi. Bu 33 yoshli Rafaning “Katta Dubulg'a” turkumiga kiruvchi turnirlardagi 19-sovrini bo'ldi. Ikki haftalik mehnat Nadalga deyarli 4 million dollar keltirdi.