Nadal va Medvedev Akapulko turniri yarim finalida to'qnash keladi

Bugun turnirning yarim finalchilari nomi malum bo'ldi. 

Jahonning beshinchi raketkasi ispaniyalik Rafael Nadal Akapulkodagi turnirning chorak finalida ATR reytingida 39-o'rinni egallab turgan amerikalik Tommi Polni 6/0, 7/6 hisobida mag'lub etdi va yarim finalga yo'l oldi. Uchrashuv 2 soatu 3 daqiqa davom etdi. Bu sportchilarning birinchi rasmiy uchrashuvi edi.

Nadalning yarim finaldagi raqibi Medvedev va Nisioko o'rtasidagi uchrashuvda aniqlandi. Jahonning ikkinchi raketkasi, rossiyalik Daniil Medvedev turnirning chorak finalida ATR reytingining 103-pog'onasidan joy olgan yaponiyalik Yoshixito Nisiokoni 6/2, 6/3 hisobida mag'lubiyatga uchratib, yarim finalga chiqdi. Uchrashuv 1 soatu 10 daqiqa davom etdi. O'zaro uchrashuvlarda hisob rossiyalik tennischi foydasiga 2:0 ko'rinishiga keldi.

Ertaga Rafael Nadal va Daniil Medvedev turnirning yarim final uchrashuvi doirasida o'zaro bahs olib boradi. Bu mavsum boshidan buyon ularning ikkinchi uchrashuvi bo'ladi. Tennischilar bundan avval Australian Open 2022 finalida to'qnash kelgan va unda Nadal chempionlikni qo'lga kiritgan edi.