18 mar 11:47
Yangiliklar

Tennis

Nadalning buyuk qaytishi davom etadi. U yarim finalda!

Indian-Uells "Master" turniri o'zining qizg'in pallasiga kirib ulgurdi.

Ispaniyalik tennischi Rafael Nadal Indian-Uellsdagi turnirning yarim finaliga chiqdi. 1/4 final bosqichida avstraliyalik Nik Kirgiosni 7:6 (7:0), 5:7, 6:4 hisobida mag'lub etdi.

Uchrashuv 2 soat 48 daqiqa davom etdi. Bu vaqt ichida Nadal 10 ta eysni amalga oshirdi, 7 bor qo'sh xatoga yo'l qo'ydi va 2 ta breyk-pointni qayd etdi. Kirgios esa 11 ta eys, 5 ta qo'sh xato va 2 ta breyk-point qayd etdi.

Turnir finaliga chiqish uchun Nadal Karlos Alkaraz - Kemeron Norri juftligi g'olibi bilan o'ynaydi.

Eslatib o'tamiz, Indian-Uellsdagi turnir 20 martgacha davom etadi. Turnirning umumiy mukofot jamg'armasi 8,5 million dollarni tashkil etadi.Turnirning amaldagi g'olibi Kemeron Norri hisoblanadi.