Nadiya Dusanova Slovakiyadagi turnirda ishtirok etdi

Musobaqada engil atletikaning mazkur turi bo'yicha dunyo etakchilari hisoblangan sportchilar ishtirok etdi. Ular orasida amaldagi jahon chempioni, ketma-ket 32ta musobaqadan beri g'oliblikni qo'lga kiritib kelayotgan, o'z vaqtida 206 sm natijani qayd etgan rossiyalik Mariya Lasickene ham qatnashdi. Undan tashqari Sent Lyuis vakilasi Spencher Levern, bolgariyalik Mirela Memireva, italiyalik Alessiya Trost, CHexiya vakili Mixaela Xrubalarni ko'rishimiz mumkin edi. Takidlab o'tish lozimki, yuqorida sanab o'tilgan sportchilarning shaxsiy rekordi kamida 195 sm ni tashkil qiladi. 

Ushbu yulduzlar qatori turnirda Osiyoning uch karra chempioni, hamyurtimiz Nadiya Dusanova ham ishtirok etdi. Bahslarda Dusanova 184 sm natija ko'rsata oldi. 

Yakunda musobaqada rossiyalik sportchi Mariya Lasickene o'zining ketma-ket 33-g'alabasini tantana qildi. U 202 sm balandlikka sakray oldi. Undan keyingi o'rinlarni esa Spencher Levern hamda Alessiya Trostlar egalladilar.

Nadiya Dusanova bugun CHexiyada o'tkaziladigan xalqaro musobaqada ishtirok etadi. Ushbu turnirda hamyurtimizdan muvaffaqiyatli ishtirokni kutib qolamiz. 

Eslatib o'tamiz, Dusanova bir hafta oldin Eronda o'tkazilgan yopiq inshootlardagi Osiyo chempionatida 187 sm balandlikka sakrab, oltin medal sohibiga aylangandi.