Nafisa Mo'minova katta tanaffusdan yana xalqaro musobaqada

7th HDBank Cup International Open Chess 2017 turnirining mukofot jamg'armasi 13 000 AQSH dollarini tashkil qiladi. Musobaqada 21 mamlakatdan 103 nafar ishtirokchi g'oliblik yo'lida dona suryapti.

Qatnashchilar orasida opa-singil grossmeysterlarimiz ham bor. Nafisa Mo'minova katta tanaffusdan so'ng yana katta shaxmatga qaytdi. Oraliqdagi ana shu tanaffus o'z so'zini baribir aytmoqda.

Mamlakatimizning birinchi raqamli ayol shaxmatchisi 3 imkoniyatdan bor yo'g'i yarim ochko jamg'ardi. U kecha o'tkazilgan 3-turda qora donalarda o'ynab, vetnamlik Tong Tay Xangga yutqazib qo'ydi.

Gulruhbegim Tohirjonova esa oq donalarda harakat qilib, reytingda o'zidan ancha yuqorida turuvchi vetnamlik grossmeyster Nguen An Danga imkoniyatni boy berdi.

Bugun o'tkaziladigan 4-tur uchrashuvlari oldidan Tohirjonova qo'shimcha ko'rsatkichlarga ko'ra 1,5 ochko bilan 44, Mo'minova esa yarim ochko bilan 91-o'rinni egallab turibdi.